АФСОНАИ НАВ

Ин кӯҳанафсона нест,
Аз мурғи белона нест.
Аз бою камбағал нест,
Аз зиракии кал нест.
Навтарин афсона аст,
Нақлаш дар ҳар хона аст.
Афсонаи Роғун аст,
Қиссаи пурмазмун аст,
Васфи марди ҷасур аст.
Қаҳрамон асту зӯр аст,
Дар булдозер нишастаст,
Роҳи дарёро бастаст.

ТАРС

Метарсад муш аз пишак,
Пишак метарсад аз саг.
Саг тарсад аз гурги бур,
Тарсад гург аз шери зӯр.
Хандида гуфто Набӣ:
«Тарсад бобом аз бибӣ!»