Занад ба гӯш дубора,
Бунафша гӯшвора.

Аз гул созад захира,
Занбӯри асал шира.

Қумрӣ дар шохи чанор,
Хонад суруди баҳор.

ШАШТО УКҲОЧА ДОРАМ

Шашто укҳоча дорам,
Аз ин сабаб пуркорам.
Диҳам ба онҳо ёрӣ,
Канӣ вақти сархорӣ?
Ба лӯхтаки Сарвиноз,
Медӯзам куртаи соз,
Ба Ҷамшеду ба Дилшод,
Хонданро медиҳам ёд.
Биёрам баҳри Нодир,
Аз дӯкон чурғоту шир.
Афсона гӯям шабҳо,
Ба Меҳрубону Шаҳло.
Шашто укҳоча дорам,
Аз ин сабаб пуркорам.
Диҳам ба онҳо ёрӣ,
Канӣ вақти сархорӣ?!