Устод Турсунзода ба адабиёти бачагона аҳмияти даркорӣ дода, як силсила шеърҳои бачагона офаридааст.

Барои хизматҳои бузурги адабию ҷамъиятиаш соли 1967 сазовори унвони олии Қаҳрамони Меҳнати Сотсиалистӣ, соли 2001 шарафёби унвони олии Қаҳрамони Тоҷикистон гардонида шудааст.

Аз соли 1934 узви Иттифоқи нависандагони Тоҷикистон аст.

24 сентябри соли 1977 Мирзо Турсунзода аз олам даргузашт.

САЙЁҲИ ҲИНД

Ба ту, хонандаи азиз, аз нав
Менамоям муроҷиат, бишнав.

Бо хаёли диёри Ҳиндустон.
Ҳиндуи номуроди рӯи ҷаҳон,

Кишвари мардуми ҷигарпора,
Халқи бехонумони бечора.

Хоби шабҳои хуш ҳаром кунам,
Қиссаи хешро давом кунам.