ПӮЛОД ТОЛИС

Пӯлод Толис 24 августи соли 1929 дар шаҳри Хуҷанд таваллуд шудааст. Факултаи таъриху филологияи Донишгоҳи давлатии Тоҷикистонро хатм намудааст.

Соли 1950 аввалин қиссаи Пӯлод Толис «Ҷавонӣ» ба табъ расидааст. Беҳтарин асари тарҷумаиҳолии ӯ «Тобистон» аст, ки аз рӯзгори талхи тоҷикбачагони солҳои Ҷанги Бузурги Ватанӣ ҳикоя мекунад. Қиссаи «Тобистон» ба забонҳои русӣ, узбекӣ, литвонӣ, эстонӣ, қирғизӣ тарҷума ва чоп шудааст. Дар заминаи он филми ҳунарии «Тобистони соли 1943» таҳия ва пешкаши умум гардидааст.

Китобҳои «Бузичаи ман» (1950-1970), «Бачагони қишлоқи мо» (1950), «Мӯрчаяк» (1952, 1961, 1972), «Ҳикояҳо барои бачаҳо» (1957)-ро барои бачагон навиштааст.

Бо ордени «Нишони фахрӣ» мукофотонида шудааст.

Аз соли 1954 узви Иттифоқи нависандагони Тоҷикистон аст.

17 сентябри соли 1961 аз олам даргузашт.