ХОРПУШТАК

Ана, хорпуштак омад,
Кашида хуштак омад.
Бубин нақши пояшро,
Нӯлаки зебояшро.
Вай аз роҳи дур омад,
Бар душаш ангур омад.
Маро диду ҳайрон шуд,
Сӯйи дигар равон шуд.
Аз ақибаш давидам,
Ба хори ӯ расидам.
Хораш ба каф даромад,
Аз кафам хун баромад...
Хорпуштак, эй хорпуштак,
Як гап дорам, ист андак,
Хорат азият дорад,
Ба касе намефорад.
Ин дафъа биё бе хор,
Бозӣ кунем беозор.

МОШИНИ НАСИМ

Дар раҳҷа Насим
Меронад мошин,
Ба мошини ӯ
Лозим не бензин.