«Садбарги зарин»-ро дигарбора интишор доданӣ шуд. Камина ин асарро аз нав таҳрир намудам ва он ба зевари табъ музайян гашт. Дар Намоиши ҳафтуми байналмилалии китоби Душанбе (соли 2018) тарҷумаи асари «Садбарги зарин»-и К. Паустовский дар «Озмуни беҳтарин тарҷума» ғолиб омада, ба Дипломи дараҷаи аввал мушарраф гардид.

Ният дорам, ки тарҷумаи повести «Роҳи Каҳкашон» ва романи «Сурх ва сиёҳ»-ро бо таҷдиди назар аз нав интишор намоям.

• Баъди гирифтани унвони Нависандаи халқии Тоҷикистон чӣ эҳсосе ба дилатон роҳ ёфт, ҳисси ифтихор, қаноатмандӣ, комёбӣ ё чизи дигаре?

• Унвони фахрии Нависандаи халқии Тоҷикистонро қадршиносӣ аз тарафи Асосгузори сулҳу ваҳдати миллӣ — Пешвои муаззами миллат муҳтарам Эмомалӣ Раҳмон нисбати адибон меҳисобам. Ва боз ҳам барои иҷро намудани хизмати халқу Ватан худро қарздор медонам.

• Умедворем, ки минбаъд ҳам бо армуғонҳои тоза ба тозаи эҷодӣ хонандагони азизро хушнуд хоҳед кард. Саломат бошед.

• Шумо ҳам саломат бошед!