ташвишҳои олам ба сари модараки ман бошад, а?

• Субҳидам, хеста нон мепазем, лекин раҳматии васият карда буд, ки мурдама бишӯ, - маслиҳат мехоҳад модарам. - Иҷозат медиҳӣ?

• Васиятро ба ҷо биёр, - сар мебардорад падарам, - мурдашӯй кори савобаст.

• Оча, момаи Хадича чандсола буд?

• Мӯҷалаш наҳанг, ба ҳаштоду се даврааш гардониданд. Одами хубе буд.

• Мурдаро худат мешӯӣ?

• Ҳо, васияти момаат ҳамин.

• Наметарсӣ?

• Куллӣ зинда-миранда, бачам. Имрӯз мурдаеро мешӯем, пагоҳ мурдаи моро мешӯянд. Кори дунё қарз. Ҳа, калон шав, баъд мефаҳмӣ.

• Оча, нашӯ мурдаро, метарсӣ, - аз роҳ гардонданӣ мешавам ӯро.

• Васията ба ҷо овардан даркор.

• Васият? Чӣ хел васият? Кӣ? Кай омад? - гӯлпурсӣ мекунам.

• Э нодонаk-е, васият хоҳиш гуфтанӣ гап. Рафту гуфти мирандаро ба ҷо наорӣ, дар гарданат то қиёмат қарз мемонад.

• Оча, бо кӣ гап задан дорӣ?

• Бо парвардигор.

• Чӣ мегӯӣ?

• Муноҷот.

• Аз чӣ бобе?

• Навиштаи пешониро хонда натавонем. Ба ҳаминаш ҳам шукр...

• Бошад одами бегуноҳе?

• Дар шир тарат карда бошанд, ба дунё омадӣ, олуда мешудай.

• Ширро полудан бояд.

• Шабҳо дар зикри Оллоҳ биишину илтиҷо бикун, ки биёмӯрзад туро.

• Ғарқаи гуноҳем, оча. Эҳтимол ба шустан пок нашавем. Дунё олуда ба гуноҳ!

• Покиза бигард, бачам.