Зеҳн
АСОСҲОИ НАЗАРИЯИ ИҚТИСОДИ ҶАҲОНӢ

Дастури таълимӣ асосҳои назарияи иқтисоди ҷаҳониро мавриди баррасӣ қарор додааст, аз ҷумла, назарияҳои рушди иқтисоди ҷаҳонӣ, тиҷортаи байналмилалӣ, ҳаракати сармоя ва қувваи корӣ, равандҳои ҳамгироӣ, фаромиллигардонӣ ва ҷаҳонишавӣ, асосҳои методологии таҳқиқот ва мушкилоти муосири итисодиёти ҷаҳон таҳлил гардидаанд.

Агенти Зеҳнӣ · 29 сентябри 2026 · 142 саҳифа

Иқтисодиёт
Аз аввал хондан
  1. Мавҷи супериндустриализм ба назари шумо чӣ қадар (аз ҷиҳати иқтисодӣ) метавонад давом кунад ва чаро?
  2. Кадом муқаррароти назарияи тамаддуни ягона барои Шумо дуруст ба назар мерасад ва кадомаш дуруст нест?
  3. Фоидаеро, ки Тоҷикистон ва Ӯзбекистон аз мубодилаи зарфи 50 литр шароби тоҷикӣ ба як порчаи 25 метраи ӯзбекӣ ба даст меоранд, бо сомонӣ ҳисоб кунед, агар дар Ӯзбекистон барои истеҳсоли як зарф шароб дар давоми сол 80 нафар ва барои истеҳсоли порчаи матоъ 90 нафар ва дар Тоҷикистон мутаносибан 120 ва 100 нафар меҳнат лозим бошад. Дар айни замон, музди меҳнати шаробпазон ва бофандагони ӯзбек дар як сол 1000 сомонӣ ва шаробпазон ва бофандагони тоҷик дар як сол 2000 сомонӣ мебошад.
  4. Моҳияти парадокси Леонтьев дар чист?
  5. МУШКИЛОТИ ИҚТИСОДИИ ҶАҲОНӢ
    3.1. Байналмилалгардӣ ва ҷаҳонишавии фаъолияти иқтисодӣ Марҳилаи муосири рушди иқтисоди ҷаҳонӣ бо равандҳои байналмилалгардӣ ва ҷаҳонишавии ҳаёти хоҷагидорӣ хос аст.
    Байналмилалгардӣ ин раванди рушди робитаҳои устувори иқтисодӣ байни кишварҳо (пеш аз ҳама дар асоси тақсимоти байналмилалии меҳнат) ва берун рафтани истеҳсолот аз доираи хоҷагии миллӣ мебошад.
    Раванди байналмилалгардии ҳаёти иқтисодии қариб ҳамаи кишварҳо ба наздикшавӣ ва ҳамгироии иқтисодиёти миллӣ дар ҳама марҳилаҳои раванди такрористеҳсоли онҳо дахл дорад.
    Агар дар марҳилаҳои аввали рушди иқтисоди ҷаҳонӣ объекти муносибатҳои иқтисодии ҷаҳонӣ асосан зиёдатии маҳсулоти молӣ, ки аз талаботи дохилии бозори миллӣ зиёдтар буд, инчунин молҳои дар кишвар мавҷуд набуда ё истеҳсолнашуда бошад, дар айни замон на танҳо натиҷаҳои истеҳсолоти миллӣ, балки омилҳои онҳо - сармоя, технология, қувваи корӣ ва худи раванди истеҳсолот низ ба мадори муносибатҳои иқтисодии ҷаҳонӣ ҷалб карда шудаанд. Дар иқтисодиёти муосири ҷаҳонӣ ихтисоси байналмилалӣ ва ҳамкории истеҳсолот, мубодилаи технологияҳо босуръат рушд мекунанд, равандҳои муҳоҷирати байналмилалии сармоя ва қувваи корӣ фаъол мешаванд. Муносибатҳои иқтисодии байни кишварҳо аз фаъолияти сирф тиҷоратӣ ба шарти муҳим ва зарурии таъмини раванди такрористеҳсоли миллӣ табдил ёфтанд.
    Сабабҳои асосии тақвияти байналмилалгардии ҳаёти иқтисодӣ:
пешина
аз 142
навбатӣ