Барои ба даст овардани ҳосили баланд ва устувори зироатҳо таъмин намудани киштзор бо об дар назардошти хусусиятҳои биологии зироатҳо ва талаботи он дар тамоми давраи нашъунамо аз майсазанӣ то расидани ҳосил, зарур аст.
Талаботи растаниҳо ба об дар давраи нашъунамо таъсир меёбад, вай дар давраҳои ибтидоӣ кам буда, бо рафти инкишоф ёфтан - дар давраҳои ташаккулёбии массаи биологӣ, максималӣ, гулкунӣ ва ҳосилбандӣ, (яъне дар давраҳои бўҳронии инкишофёбӣ,) ба ҳадди хатарнок мерасад.
Тибқи маълумотҳои Алпатев С.М. намнокии муҳиди хок дар қабати қарордошти реша дар хок дар ҳадди 60-80 фоиз аз ҳадди намиғунҷоиши камтарин (НК) ва дар давраи рушди интенсивӣ, гулкунӣ ва ҳосилбандӣ дар ҳадди 70-80 фоиз аз НК қарор дорад. Дар мавриди норасоии об на танҳо ҳосил паст меравад, балки сирати он низ бад мегардад. Масалан, дар зироатҳои ғалладонагӣ фоизи сафеда, дар зироатҳои равғандор – баромади равған, дар лаблабу – қанд ва ғайра меравад.
Дар амалия коэффитсенти об истифодабарӣ, яъне миқдори оби барои ташаккули як сентнер ҳосил масрафшавандаро ба ҳисоб мегиранд.
Ҳар қадар коэффисиенти траспиратсия ва коэффмсенти обистифодабарӣ кам бошад, ҳамон қадар масрафи об дар киштзор камтар шуда, ба ҳамон андоза масрафи оби обёришаванда сарфа карда мешавад.
Аз ин рў коркарду татбиқи техналогияи обзахиракунӣ дар истеҳсолот вазифаи актуалии олимон ва мутахассисони КАС ба ҳисоб меравад.
Масрафи обро бо роҳи коркарди саривақтӣ ва бо сифати хок, нуриандозӣ, бахусус нуриҳои органикӣ, ба вуҷуд овардани қитъа бешазорҳо барои паст гардонидани таъсири шамол нисбат ба бўғшавии об аз сатҳи заминҳо, қатъан риоя намудани мўҳлатҳои обёрӣ, меъёрҳои обёрӣ ва ба танзим даровардан мумкин аст.