80 Чевар
Зане, ки дар пора кардани либос
шуҳрат дорад.

81 Шероздӯз
Духтар ё зане, ки барои тоқидӯзҳо
шероз медӯзад.

82 Шоликор
Деҳқоне, ки ба шоликорӣ машғул
аст.

83 Шамъгар Оҳангаре, ки фулуз об карда дар қолаб шамъ мебарорад.

84 Қадоқтар
Марде, ки зарфҳои шикастаро таъмир мекунад.

85 Қассоб
Марде, ки чорво кушта дар бозор
мефурӯшад.

86 Қаннод
Ҳунарманде, ки ҳалво, набот, конфет
мепазад.

87 Қавиқгар
Зане, ки кӯрпаю кӯрпача медӯзад.

88 Ҳаллоҷигар Зане, ки тавассути ҳаллоҷӣ пунданаро аз пахта ҷудо мекунад.

89 Ҳезумкаш
Марде, ки аз кӯҳ ҳезум оварда мефурӯшад.

90 Чамолакбоф
Зане, ки барои мӯйҳои занон чамолак
ва тӯф мебофад.

91 Ҷомадӯз
Зане, ки ҷомаҳои занонаю мардона
медӯзад.

92 Ҷойнамоздӯз
Зане, ки ҷойнамоз ва рӯймол медӯзад.

93 Ҷувозкаш
Марде, ки дар ҷувоз аз зағир, бодом
равған мекашад.

94 Ҷуволдӯз
Зане, ки аз матои ғафс ҷувол, хӯрчин медӯзад.

95 Ҷуфтгар Деҳқоне, ки дар саҳро бо омоч замин шудгор мекунад.

Боз дар байни ҳунармандон касбҳои моҳипазӣ, тунукпазӣ (як навъи нон), биринҷфурӯшӣ, хасфурӯшӣ ва ғайраҳо мавҷуд буданд.

Ҳамин тавр, мардуми деҳаи Қаротоғ бо касбу кори ҳунармандаш шӯҳрат дошту бозори онро маҳсули дастонаш зеб медод. Ҳар як ҳунар як хусусияте, як нозукие дошт. Ҳар як дӯкондор бо устокор шогирд истода касб меомӯхт. Дар баробари он шогирд барои худ риску рӯзӣ гирд меовард. Ба шогирдон то солҳои 1920 бо арзиши танга шогирдпулӣ медоданд.
Як тангаи Бухоро ба 15 тин баробар буд. Шогирд баробари шогирдриаш боз хизмати дӯкондорро мекард.