Уқлидус асосгузори геометрияи оптикӣ низ мебошад, ки хусусиятҳои онро дар таълифоташ «Оптика» ва «Катоприка» тавзеҳ додааст. Асоси мафҳуми геометрияи оптикӣ ин ҳаракати ростхатаи шуост. Уқлидус таъкид мекард, ки шуоъ аз чашм сарчашма мегирад (назарияи шуои биноӣ), ки барои илми геометрия аҳамияте надорад. Ба ҳар ҳол дар таърихи физика номи Уқлидус ҳамчун асосгузори геометрияи оптикӣ ҷойи сазоворро ишғол намудааст.

Уқлидус дар рушди мусиқӣ низ саҳми арзанда дорад. Ӯ ба ихтирои забонаки асбобҳои мусиқии клавесина ва баъдтар пианино асос гузоштааст. Ба пайдо шудани ин асбобҳои мусиқӣ математика сабабгор аст.

Албатта, тамоми паҳлӯҳои фазои уқлидусӣ якбора кашф нашудаанд, балки дар натиҷаи корҳои илмии садсолаҳо бисёр назарияҳо амалӣ гаштанд, аммо сарчашмаи ҳамаи ин комёбиҳои илмӣ «Мабдаъ»-и Уқлидус ба ҳисоб меравад.