Рў ба рўям рўи нони бегуноҳ.
Мениҳад як коса шири бегуноҳ,
Ҳамсари қисматпазири бегуноҳ.
Мебароям рўи роҳи бегуноҳ,
Соядори сар ниҳоли бегуноҳ.
Бингарам мактабшитобу боғча,
Кўдакони синну соли бегуноҳ.

Бо саломи бегуноҳе бигзарам,
Аз бари ҳамсояҳои бегуноҳ,
Ҳамрадифи ҳамзамони бегуноҳ
Меравам то корҷои бегуноҳ.

Менишинам пушти кори бегуноҳ, Дафтару мактубу мизи бегуноҳ, Худ ба худ ларзонадам андешае
-Оламе дорам тамизи бегуноҳ.

Пас мани з-олам гунаҳҷўйи гуноҳ
Аз куҷо афтода паҳлўйи гуноҳ.
Аз замин то осмонҳо бегуноҳ
Ман сияҳрўям ва ё хўйи гуноҳ!

Дар тарозуи хирад гар баркашам
Бегуноҳии гунаҳ ёбам чу моҳ.
Гар бисанҷам бар сари мизони Нафс
Бишканад Мизони чархи бегуноҳ...

---

Оҳи ман чун қўи фаввора,
Сўи гардун мезанад минқор.
Пашшаи беболи наззора,
Рўи болаш мехазад ҳамвор.

Бар сари тухми ҳавас шишта,
Курки мардум дар канори ў.