---

Насиҳат зиндагии зиндаро хўрд,
Ҳама эъҷози дил гўри сияҳ бурд.

---

На ба ҳикмат, на пайи кешам,
Аз пайи зиндагии хешам.

---

Корҳое баҳри пул шояд хатост,
Ношиноси қадри кор аҳли зиност.

---

Чу аз гардун даҳанвоӣ гирифтам,
Замини ишқро вое гирифтам.

---

Ҷаҳон зан гашт пиндорӣ, ба сад умр,
На кас фаҳмад, на худ худро биёбад.

---

Дар ҳама Кайҳон наёбӣ мурдае,
Ишқ меҷўшад дар ин болову паст.
Тарси мурдан чист дар дарёи ҷон,
Он кӣ худро нав назояд мурда аст.

---

Чун ба кўҳе такя дорам ман ба таърихи дурўғ,
Гар фитад, тарсам фитад, ҳам ростӣ пешам бапушт.

---

Чанд дурўғи пушти сар чун лаҷанам барад фурў,
Чанд зи гарданам кашад боғи дурўғи пеши рў.

---

Лухтаки зиндаи ҷаҳон зиндатар аст дам ба дам,
Бар сари мурда лухтаке умр ба бозиам гузашт.

---

Муқаддас китобест олам, ки Қурон,
Шуд охир ба як шарҳи як ояти он.

---

То задам дар орзуи пучи луч,
Худ шудам як орзуи лучи пуч.

---

Бале, дунё надорад ҷойи холӣ,
Чу доное равад сад аблаҳ ояд.

---

Баҳс бо гармии хуршед кунад бўсаи ишқ,
Лаб чи сард аст чу каҷкўл зи бўси садақа.

---

Дар Каъбаи казино
Гардон сақои сарҳо.

---

Гў ҳадисе мурдатар сўи ҳадиси мурдае,
Мурдаи гўри сухан то файласуф хонад туро.

---

Хандидӣ:
– Аз сардии оҳе, ки кашидӣ, Зимистонро дар ҳути кампиркуш Сармо зад!

Хандидам: