Устоди насиҳатем дар рўйи ҷаҳон,
Дар хона насиҳатгари мо фарзандон.

---

Ҷаҳон чеҳра пинҳон гирифт аз ҷаҳон,
Набинӣ дар олам ба ҷуз рўйи худ.

---

Ҷаҳонпечидатар аз худ надидам,
Зи худ ғеҷидатар аз худ надидам.

---

Ҷаҳон дар хеш зад он гуна хўяш,
Ки чун хўяш ниҳон афтод бўяш.

---

Имонфурўшро чи ҳақи эътирози мо,
Аз танфурўши кўчаву дар боядаш ҳаё.

---

Гўсолагии моро донад замини гавшох8,
Хомўш медиҳад шир, оё ки гов гардем.

---

Ба ҳабси як-ду рўза сад таку дав,
Ба зиндони таассуб шоду хушрав.
Зи зиндони таассуб гар биронӣ,
Бихезад бар сари ту ҷонситонӣ.

---

Тамаддун буд ҳамқадди нигоҳам,
Таассуб гом зад аз арш боло.

---

Киноя ба ривояте, ки гўё Замин сари шохи гов меистода.
Ғалламусе гуфт аз рўҳи баланд,
Хандаҳо афтод дар кўҳи баланд.

---

Мастез, фалак, беш аз ин бар сари ман,
К-ин кишвари ман зи кўҳ дандон дорад.

---

Як ҳуҷайра дар Худоям ноаён,
Мухтасар шуд ҳар чӣ нуре мешавад.

---

Беҳтар аз гул ҳеҷ кас нашнохт ишқ,
Беҳтар аз хуршед нашносид кас бурҷи дилаш.

---

Офтоб аз санг гулрўён расид,
Аз гули дил сангрўён омадам.

---

Ҳавас шудгорҳо зад олами ишқ,
Ҷаҳони ишқ дашти Карбало шуд.

---

Бозори орзуи мо осмон гирифта
Мардум ҳунархаранду мо орзуфурўшем.

---

Кашокашҳо сари бозори дунё,
Гирифтанд ошиқонро бори дунё.

---

Ту бедандон магў дарёи кўҳӣ,
Забонаш ҳам пури дандони мавҷ аст.

---