Аз «бади» худ хам задан шаст фикандан ба худ,
Боди биёбондавӣ моҳии зар кай кашӣ.

---

Замин оташандозу афлок тир,
Миёни ду авбош дарёбу гир.

---

Ҷаҳон аз худпарастӣ шуд балохў,
Вагарна нозанинтар аз ҷаҳон ку?

---

Хамўширо ба покӣ мон ба мизон,
Тарозу ларзад аз ҳайрат чу мизон.

---

То туро дидам ба чанги дил задам,
Аз бурун бар душмани дохил задам.

---

Аз ҳар даре, ки роҳ кашӣ сўйи хомушист,
Ҷўши хирад биҳишти ҳунар хомушона ёфт.

---

Гаҳ аз инсон чи ҳайвон созад одам,
Гаҳ аз ҳайвон чи Яздон созад одам.

---

Мағзи ҳарҷопари ман ҳеҷ маро рўз надод,
То гули нури ту дар боғи дилам ноз нарехт.

---

Ман, ки аз хеш холиям бе ту,
Чун нигоҳи хаёлиам бе ту.

---

Гўянд, ки бе одам корат набарад сомон,
Аммо, чӣ кунам ин ҷо одам, ки намебинам.

---

Беди Маҷнунро ба беборӣ чӣ шармаш медиҳӣ,
Меваи садбаҳра дорад аз беҳин ошиқ ба бар.

---

Дўст медорам ҷаҳону халқи олам баҳри ту,
Гар набудӣ халқу олам чун туе кай омадӣ.

---

Туро бо ин фалак ҳангомае чист,
Замин худ ин фалакро гарди гўш аст.

---

Зишт мегўӣ ҷаҳони нозанин, эй мурдадил,
Хешро, боре бигў, зебойи олам кардаӣ?

---

Куфру дин нест сиёсат ин ҷост,
Омро дидаи ғорат ин ҷост.

---

Чу об медавонадам ҳавои бўсаҳои ту,
Тапиш ба хок афканам зи нори лабчарои ту.

---

Ба доман оташ асту синакўбон меравад чун об,
Занад бар чашми ишқам хоки дил, ки нест ғайри бод.

---

Замину осмон гўяд зи зиндон,
Зи озодӣ «Шукуфтан!» хонда Наврўз.

---