• Кабӯтар! Кабӯтар дар ҳаво!
  Ҳама ба осмон, ба он тарафе, ки аз он сӯ кабӯтар парвоз карда меомад, чашм дӯхтанд. Кабӯтар торафт наздиктар меомад ва мо на фақат худи он, балки хатро ҳам, ки дар ҳалқаи пояш буд, баралло медидем.

Холдор рост ба рӯи рафҷаи пеши кафтархона омада нишаст. Ман хатро аз ҳалқаи пояш гирифта, бо овози баланд хондам: «Агар хат ба шумо расад, донед, ки ҳар кадоматон яктоӣ кабӯтар қарздор мешавед! Бо салом - Гритско».

• Чӣ илоҷ, акнун лозим меояд, ки ба Гритско яктоӣ кабӯтар диҳем, - гуфтанд бачаҳо ва ба хонаҳояшон рафтанд.

Бегоҳирӯзӣ ҳар ду вохӯрдем.

• Агар ту намешудӣ, - гуфт Гритско, - онҳо, бешубҳа, мункир мешуданд. Хатро нест мекарданд ва он гоҳ бозиро ман мебохтам. Ташаккур, Юрик.