---

Кинаи касеро дар дили худ ҷой мадеҳ, ки роҳати дилу танро барҳам занад.

---

Беҳуда кинаи ҳеҷ кас ба дил магир!

---

Фитна дар хоб аст, бедораш макун!

---

Тани фитнаангез дар гўр беҳ.

---

Соҳибғараз маҷнун аст.

---

Кинаварро осоиш нест.

---

Кина – зангори сина.

14. ҲАСУД ВА ҲАСАД

Набувад чора ҳасудони дағоро зи ҳасад,
Ҳасад он аст, ки ҳаргиз напазирад дармон.
Абулҳасани Фаррухӣ

Агар зи дард битарсӣ, ҳасад макун, ки ҳаким
Масал занад, ки ҳасад ҳаст дарди бедармон.
Абулқосими Унсурӣ

Агар хоҳӣ, ки беандоза андўҳгин набошӣ, ҳасуд мабош!
Унсурулмаолии Кайковус

Сар битоб аз ҳасаду гуфтаи пурмакру дурўғ,
Чўби чормағз махар, ҷомаи пуркесу уреб!
Носири Хусрав

Ҳасадро сўи ҷону дил мадеҳ бор,
Ки ҳосидро набошад ҳеҷ миқдор!
Носири Хусрав
Тўдаи макру ҳасад мапўй, азерок
Ҳар ки ба роҳи ҳасад равад, ба сар ояд.
Носири Хусрав

Ҳар касе, к-ў ҳосиди кайҳон бувад,
Он ҳасад худ марги ҷовидон бувад.
Ҷалолиддини Румӣ

Булҳикам номаш буду Бўҷаҳл шуд,
Эй басо аҳл аз ҳасад ноаҳл шуд.
Ҷалолиддини Румӣ

Тавонам он, ки наёзорам андаруни касе,
Ҳасудро чӣ кунам, к-ў зи худ ба ранҷ - дар аст?!
Бимир, то бираҳӣ, эй ҳасуд, к-ин ранҷест,
Ки аз машаққати он ҷуз ба марг натвон раст!
Саъдии Шерозӣ

Кунад ҳароина ғайбат ҳасуди кўтаҳдаст,
Ки дар муқобила гунгаш бувад забони мақол.
Саъдии Шерозӣ

Бурдан ҳасад аз ҳоли касон таври хирад нест,
Зинҳор, ки аз таври хирад дур набошӣ.
Аз халқ тамаъ ҳамчу ҳасад мояи ранҷ аст,
Бигсил тамаъ аз халқ, ки ранҷур набошӣ.
Абдураҳмони Ҷомӣ

Агар ёбад рафиқат сарбаландӣ,
Ҳасад бар вай мабар, гар ҳушмандӣ!
Роғиби Самарқандӣ

Дар дарун оташи ҳасад мафрўз,
Ки ҳасад оташест мардумсўз!
Ҳар куҷо оташе ҳасуд афрўхт,
Аҳли он хонаро ба хона бисўхт.
Камолиддини Биноӣ