Ватан буда, ният дорем, ки заҳмати мо истиқлолияти кишвари азизамонро боз ҳам таҳким бахшад.

Ҳамин тавр ӯ бо як ҷузвдон ва як мӯҳр дар бағал ба қабулгоҳи Директори генералии ҶСК НБО-и Роғун омада, арзи дилашро чунин изҳор намуд:

• Илтимос дорам, моро ба ҷои пир ва дастгир бошед, то ки дар ҳамин сохтмони неругоҳ ҳиссаи хоксоронаи худро гузорем.

• Ниятатон бисёр нағз, лекин шумо кадом корҳои ба сохтмони неругоҳ вобастабударо сариштаю ӯҳда карда метавонед? - пурсид директори генералӣ.

• Мутахассисони муассисаи «Нурафшон» асосан бо васлу насби чархаҳои неругоҳ машғул хоҳанд шуд. Лекин мо дигар вазифаҳоеро ҳам, ки ба сохтмони қисматҳои гуногуни неругоҳ марбут ҳастанд, анҷом дода метавонем.

• Оҳо, чӣ хеле мегӯянд, бузбоз он сарбоз, ки сардӯшии ҷенералро орзу накунад боз, - гуфт директори генералӣ ва баъди андаке хаёл илова намуд: - алҳол иҷоза медиҳем, то кор кунед, вале мо дақиқан месанҷем, ки қавлу амалатон мувофиқ меоянд ё не? Ва ҳоло маслиҳатро ба дуродур намепартонему ба шумо супориши аввалинро ҳам мефаҳмонем. Бо мутахассисони худ кӯраҳои сементгириро барқарор карда, онҳоро барои истифода омода бисозед. Баъд боз маслиҳат мекунем.

• Барои бовариатон ҳазорон ташаккур, - аз ҷояш бархост роҳбари муассисаи навтаъсиси «Нурафшон» Амрулло Халилов ва ба мисли низомиён гуфт: - Иҷоза диҳед, ба иҷрои супориш шурӯъ намоем.

• Иҷозат медиҳам ва муваффақият мехоҳам!

Ин кӯраҳои сементгирӣ аз замонҳои шӯравӣ монда, семент дар андарунаш хушкидаю шах шуда, ҳар яке чор ҳазору шашсад тонна зарфият доштанд. Кормандони «Нурафшон» дар мӯҳлати муайян корро иҷро карданд. Ва дар охир санҷиши дақиқ собит намуд, ки супориши аввалини