Ва аз созу навое, ки бо овози тифл ва шири модар омехта бошад мусиқаи авлотару волотар ҳаст магар дар дунё?!...
Он шаби қадре, ки гӯянд аҳли хилват, имшаб аст,
Ё раб, ин таъсири давлат аз кадомин кавкаб аст?
Ё раб, ин таъсири давлат аз кадомин кавкаб аст?..

*** ...Сохтмони канали Фарғона, ки дар он саҳме аз созу навои Мирзои Навозанда низ буд, дар муддати кӯтоҳ ба охир бирасид ва ба заминҳои асрҳо ташналаб оби ҷонбахшо овард.

• Зиндагӣ низ амсоли замини шодобшуда буд, ки аз он сабзаҳои умед пайи ҳам сар мекашад...
  Он ҳама нозу танаум, ки хазон мефармуд, Лоҷарам, дар қадами боди баҳор охир шуд!