иловагии он ҳуҷҷати транзит тартиб дода мешавад. Ҳуҷҷат мутобиқи қоидаҳои хонапурӣ кардани ҳуҷҷати транзит дар ду нусха тартиб дода мешавад.

Зимни интиқоли бор тибқи расмиёти транзит гумруки сарҳадии давлати аввали транзит дар тамоми нусхаҳои ҳуҷҷати транзит ва ҳуҷҷатҳои марбут ба бор мӯҳри дорои маълумот дар бораи миқдори ҷойҳои бор, рақами тамға, гумруки маҳалли таъиншуда, мақсади ирсол (барои барасмиятдарории гумрукӣ) мегузорад.

Мутобиқи моддаи 3 тартиби барасмиятдарории гумрукии борҳои аз давлатҳои иштирокчии Созишнома ба кишварҳои сеюм содиршаванда муқаррар карда мешавад.

Чунин борҳо тибқи расмиёти транзити гумрукӣ пас аз мутобиқи қонунгузории миллии давлати ирсолкунандаи бор дар гумруки маҳалли ирсоли бор ба расмияти гумрукӣ дароварда шуданашон ҷиҳати рухсатгирӣ барои интиқол ба кишварҳои сеюм фиристода мешаванд. Ҳангоми фиристодани бор гумруки маҳалли борфиристӣ дар ҳуҷҷатҳои марбут ба бор мӯҳри дорои маълумот дар бораи гумруки маҳалли борфиристӣ, рақами декларасияи гумрукии бор, имконияти ба давлатҳои сеюм баровардан ("баровардан иҷозат дода шудааст") гузошта, дар хусуси супурдани андозҳои гумрукӣ қайдҳо мегузорад. Дар ин сурат, ҳуҷҷати транзит тартиб дода намешавад.

Ҳуҷҷатҳои бо бор фиристодашавандаи дорои штампи гумруки маҳалли борфиристӣ ба шарти маҳфуз нигоҳ доштани таъминоти гумрукӣ ва таъминоти дигар, воситаҳои нақлиёт, контейнерҳо ё басти ҷойҳои алоҳида барои рухсат додани интиқоли бор ба давлатҳои сеюм дар гумруки сарҳадии давлати охир, асос мебошад.

Дар моддаи 4 ба расмияти гумрукӣ даровардани борҳои ба тариқи транзит тавассути қаламрави давлатҳои иштирокчии Созишнома интиқолшаванда танзим карда мешавад. Мутобиқи ин модда имтиёзҳои дар моддаи 5 Созишнома "Дар бораи тартиби транзит" муқарраргардида нисбати молҳое, ки аз давлатҳои сеюм барои транзит тавассути қаламрави давлатҳои иштирокчии Созишнома ва содирот ба давлатҳои сеюм ворид карда мешаванд, татбиқ намегарданд. Дар ҳамин модда расмиёти муфассали марбут