§14.10. Робитаҳои иқтисодии хориҷии Ҷумҳурии Тоҷикистон бо Ҷумҳурии Исломии Покистон

Робитаҳои иқтисодӣ ва тиҷоратии мардуми тоҷик бо аҳолии сермиллати давлати Покистон таърихи хеле қадима доранд. Карвонҳои пур аз бори тоҷирони давлати Сомониён тавассути ҳудуди ҳозираи давлати Покистон гузашта, дар шаҳрҳои бузурги давлати Ҳиндустон - Деҳлӣ, Нишопур, Бомбай, Калкатта, Тоҷмаҳал, Қарочӣ тиҷорат мекарданд. Яке аз шоҳроҳи таърихии абрешимро чӣ тоҷирони Ҳинду Покистон (синкҳҳо, ҳиндуҳо, урдуҳо, панҷобиҳо, балучиҳо) ва чӣ тоҷирони давлатҳои дигари дунё истифода бурда, маданият ва фарҳанги миллатҳои давлатҳои ҳамсояро бо ҳам наздик мекарданд.

Бар замми ин миллатҳои ҳамсарҳади Тоҷикистон ва Покистони имрӯзаро асрҳои аср урфу одатҳои миллӣ, дину оин, қаробати забон, фарҳангу маданият бо ҳам карин ва мустаҳкам менамуд.

Солҳое, ки Тоҷикистон дар ҳудуди давлати бузурги Шӯравӣ буд, робитаҳои иқтисодии хориҷӣ бо Покистон бештар тавассути вазорату созмонҳои умумииттифоқӣ (Вазорати савдои хориҷии ИҶШС, Кумитаи давлатии содироти хориҷӣ, «Союзкоовнешторг»), ки тиҷорати хориҷии байнидавлатиро назорат менамуданд, ба амал бароварда мешуд.

Солҳои аввали баъди ба даст даровардани истиқлолияти миллӣ муносибатҳои иқтисодии хориҷии Покистон бо Иттиҳоди Шӯравӣ хеле душвор ба роҳ монда шуда буд. Фундаментализми исломӣ таблиғоти сахти зидди коммунистӣ бурда, Ҳукумати Покистони навбунёдро маҷбур месохт, ки дар сиёсати хориҷии худ бештар бо ИМА сару кор дошта бошад. Солҳои баъдӣ бар хилофи проблемаҳои ҷойдоштаи Афғонистон сол аз сол муносибатҳои хориҷии ин ду давлат ба мушкилоти зиёде дучор мешуданд.

Ба ивази маводи нафт ва маҳсулоти нафтӣ, сӯзишворӣ, моенҳои синтетикӣ, нахи пахта, пӯсти нимтайёр, биринҷ, матоъҳои пахтагин, либоси мардона ва занона ба Покистон мошин, дастгоҳ ва олотҳои