Мӯрча гапи Бибигамбусакро шунида, чор тарафро кофта, Мушакро ёфтаасту воқеаро гуфта додааст.

Мушак тозон ба лаби ҷӯӣ омада, ба Бибигамбусак даст дароз кардааст, аммо Бибигамбусак қаҳр карда, дасти ӯро нагирифтааст. Мушак зорӣ карда, гуфтааст:

Духтари кокулдароз,
Дастаката кун дароз!
Мағзу мавиз овардам,
Чаро мекунӣ ароз?

Бибигамбусак аз қаҳраш нафаромада, гуфтааст:

Чӣ кор кунам мағзи ту,
Чӣ кунам мавизи ту!
Омад духтари мири ту,
Сар чиз-чизу тан чиз-чиз!
Мушак Бибигамбусакро навозиш карда, аз об кашида гирифтаасту ба хонааш оварда нигоҳубин кардааст.

Баъди чанд вақт Бибигамбусак сиҳат шудааст ва онҳо ҳар ду монанди пештара дӯстона зиндагӣ карда гаштаанд.

Аз ҳамон вақт сар карда, Мушак тавба кардааст, ки дигар ҳеҷ гоҳ ба хонаи мири мушон намеравад.