истифода бурдан мумкин аст. Ин усулҳоро нозироти андоз, муассисати қарзию молиявӣ, мақомоти назорат, яъне онҳое истифода мебаранд, ки бо ҳамин субъекти хоҷагидор ҳамкорӣ мекунанд.

Таҳлили комплексии фоида бо тартиби муайян бояд гузаронид. Пеш аз ҳама фоидаи умумиро аз рӯи қисматҳои таркибияш таҳлил мекунанд, ки асоситаринашон фоида аз фурӯши маҳсулоти молӣ мебошад. Сипас омилҳои тағйирдиҳандаи фоида аз истеҳсоли маҳсулоти молӣ таҳлил карда мешаванд. Дар ин низом таҳлили омилҳои техникӣ-иқтисодии коҳишёбии (афзоиши) хароҷот ба сари воҳиди пулии маҳсулоти молӣ муҳим аст. Ба ғайр аз ин, тағйири ҳаҷму сохтори фурӯш, тағйири нархи маҳсулоти фурӯхташуда, ашёи хом, масолеҳ, сӯзишвории харидоришуда ва қувваи барқ мавриди таҳлил қарор дода мешаванд. Сатҳи хароҷоти моддиро бо хароҷот барои музди меҳнат муқоиса мекунанд.

Ҳамчунин тағйирёбии фоида бар асари вайронкунии интизоми хоҷагидорӣ муайян карда мешавад. Дар баробари ин таҳлили тағйирёбии фоида дар банки маҳсулоти тайёр аз дигар навъи фурӯш ва амалиёти берун аз он гузаронида мешавад.

Агар таҳлили сохтории фоидаи тавозунӣ истифода бурда шавад, он нишон медиҳад, ки манбаъи асосии ташаккулёбии фоида (зарар) аз фурӯши кору хизматрасониҳо мебошад.

Нишондиҳандаи мазкурро аз рӯи шакли № 2 ҳамчун фарқи сатрҳои 010, 020, 030, 040 муайян мекунанд.

Ф (3) ФМ = МФ - а/а - Т - И (6)

Дар ин ҷо:
МФ — маблағи фурӯши кору хизматрасониҳо;
а/а — арзиши аслӣ;
Т — хароҷоти тиҷоратӣ;
И — хароҷоти идорӣ.

Шартҳои муҳими болоравии ин нишондиҳанда инҳоянд:

• афзоиши ҳаҷм;
• таъмини мунтазами истеҳсолу ирсоли маҳсулот;
• пастшавии арзиши аслӣ ё хароҷот;
• болоравии сифати маҳсулот ё рақобатпазирии он;
• истифодабарии шаклҳои пешқадами ҳисоббаробаркунӣ барои маҳсулот (омилӣ ва ғ.).