Мақсади асосии таҳияи тақвими хароҷот муайян намудани муҳлати мушаххаси воридоти воситаҳои пулӣ ва хароҷоти корхона ва дар шакли супоришҳои нақшавӣ ба иҷрокунандагони мушаххас мебошад. Бо назардошти ин мақсад тақвими пардохтҳо баъзан чун «нақшаи пардохтҳои санаи аниқ» муаррифӣ мекунанд.

Намудҳои асосии тақвими хароҷоти корхона:

1. Аз рӯи фаъолияти амалиётӣ.

2. Дар маҷмӯъ дар корхона:

• тақвими пардохти андоз;

• тақвими хазинагузории қарзи дебиторӣ;

• тақвими хизматрасонии қарзҳо;

• тақвими пардохти музди кор.

3. Аз рӯи марказҳои алоҳидаи масъулият:

• тақвими (буҷети) ташаккули захираҳои истеҳсолӣ;

• тақвими (буҷети) хароҷоти идорӣ;

• тақвими (буҷети) фурӯши маҳсулот.

4. Дар маҷмӯъ дар корхона:

• тақвими (буҷети) ташаккули ҷуздони сармоягузориҳои дарозмуҳлат;

• тақвими (буҷети сармоявии) амалисозии сармоягузориҳои воқеӣ;

5. Вобаста ба фаъолияти сармоягузорӣ:

• тақвими (буҷети) эмиссияи саҳмияҳо;

• тақвими (буҷети) эмиссияи вомбаргҳо;

• тақвими истеҳлоки қарзи асосӣ аз рӯи қарзҳо.

6. Вобаста ба фаъолияти молиявӣ:

• тақвими (буҷети сармоявии) лоиҳаҳои алоҳидаи сармоягузорӣ.

Дар низоми банақшагирии селаҳои пулии фаъолияти амалиётии корхона намудҳои асосии тақвими пардохт инҳо мебошанд:

Тақвими пардохтҳои андоз - ҳуҷҷати нақшавӣ буда, барои тамоми корхона таҳия карда мешавад ва одатан танҳо аз як фасл - «ҷадвали пардохтҳои андоз» иборат аст.

Дар таркиби ин тақвими пардохт маблағи ҳама намуди андоз, хироҷ ва дигар пардохтҳои ҳатмие инъикос меёбанд, ки корхона ба буҷетҳои тамоми зинаҳо ва фондҳои ғайрибуҷетӣ мепардозад. Одатан, санаи тақвимии пардохт рӯзи охирини пардохти ҳар навъи андоз интихоб мешавад.

Тақвими хазинагузории қарзи дебиторӣ - ин навъи тақвими хароҷот одатан дар маҷмӯъ барои корхона (дар сурати будани шуъбаи