РАНГИНКАМОНИ ВАҲДАТ

Дил ҳамчу гул шукуфта дар бӯстони Ваҳдат,
Дур аст аз камонҳо рангинкамони Ваҳдат.

Олам гувоҳ бошад: ҷонро сипар намуда,
Бигзашт халқи тоҷик аз имтиҳони Ваҳдат.

Тоҷик кони меҳр аст, имрӯз мешиносанд
Ӯро миёни арса чун қаҳрамони Ваҳдат.

Дар чашми мо намояд бас устувору барҷо
Ҳар кӯҳи сарбаландаш як посбони Ваҳдат.

Омӯву Сир, нигаҳ кун, аз марзи мо гузаштанд,
Хонанд ҳар куҷое то достони Ваҳдат!