ШӮРИ ШАРҚӢ

Саропо шӯру исёнӣ, ҳама овой, эй дарё,
Бигӯ, бо шӯри шарқӣ аз куҷо меоӣ, эй дарё?

Намепурсанд дардатро, намеҷӯянд розатро,
Ту ҳам монандаи ман ин қадар танҳоӣ, эй дарё!

Зулолӣ он қадар, ки санг дар қаъри ту метобад, Самимият, ки дорӣ, содаву зебоӣ, эй дарё.

Мисоли сӯфиён гирдоби ту чархида мерақсад,
Магар аз ҳамраҳони Шамсу Мавлоной, эй дарё?

Ба тундӣ саҳроҳоро мекунӣ ҳамвор дар роҳат,
Ту рӯҳи Шарқ дар оинаи фардоӣ, эй дарё.