КАМОЛИ ИШҚ

Ман аз заволи худам гиря мекунам, оре,
Худам ба ҳоли худам гиря мекунам, оре.

Камоли ишқ чӣ бошад? Ҳамин таронаи яъс,
Ман аз камоли худам гиря мекунам, оре.

Забон кушодану даъвии ишқ натвонист
Ба ҷони лоли худам гиря мекунам, оре.

Хаёл буд, ки дилро ба сад бало афканд,
Аз ин хаёли худам гиря мекунам, оре.

Сафар гарону гаронтар аз он надидани туст,
Ба иртиҳоли худам гиря мекунам, оре...