Бар хок нигар, чӣ хел хушрӯ
Гулҳо зада бар, бародари ҷон.
Ку додари ҷони ҷони ширин,
Он ҷону ҷигар, бародари ҷон?!
Ку модари ҷони ҷони ширин,
Он хуни ҷигар, бародари ҷон?!
Дар хоки таранд хоб ҳар ду –
Бар дар бари бар, бародари ҷон!
Аз хоҳари ҷони ҷон чу ман гир
Ҳар бор хабар, бародари ҷон!
Ин хоҳари ҷон ҳамеша дорад
Ду дидаи тар, бародари ҷон!
Ин хоҳари ҷони мо ягонаст,
Аз ёд набар, бародари ҷон!
Мо хоҳараки дигар надорем,
Хун аст ҷигар, бародари ҷон!
Биншин ба сипос аз Худованд,
Дар пеши падар, бародари ҷон!
Эй, Хоҷаи Хизри мо ҳамин аст,
Хушрӯ бинигар, бародари ҷон!
Ту қадри падар бидон, ки донад
Қадри ту писар, бародари ҷон!
Аз додари худ – зи мо хабар гир,
Бикшой ту дар, бародари ҷон!
Мо аз ту агар хабар нагирем,
Ту гир хабар, бародари ҷон!
Мо додари гандаем оё,
Ин сӯ бинигар, бародари ҷон?!
Чун додари хуби хеш дидӣ,
Боре ту магар, бародари ҷон?!
Фарзанди падар, баробари ҷон!
Фарзанди падар, бародари ҷон!
Кардем насиҳатат, ба ҳар сӯ
Гапро ту набар, бародари ҷон!
Гуфтем ҳар он чи, бо ту гуфтем,
Аз ёд набар, бародари ҷон!