Як бор туро ба бар бигирем

Як бор туро ба бар бигирем,
Аз ҳар ду лабат шакар бигирем.
Пероҳани ту кашему оҳе
Як бор кашему дар бигирем.
Сайёди ҳунарварем, оҳу
Эй, дар сари пар зи сар бигирем.
Гирем ҳазор бор бӯса,
Ҳе, маст шавему бар бигирем.
Пайванд шавем дар бари ту,
Аз ҳар ду бари ту бар бигирем.
Моро ба чиҳо ту куштаниӣ?
Чун бар сари ту табар бигирем?!
Бӯсе зи дами табар бигирӣ,
Бӯсе зи паи табар бигирем!

Хушрӯй шудӣ, Худо занад ки

Хушрӯй шудӣ, Худо занад ки!
Хушрӯи бадӣ, Худо занад ки!
Нӯҳ бар наваданд ошиқонат,
Ҷонам, ту садӣ, Худо занад ки!
Тире, ки задӣ ба гӯшаи чашм,
Дар сина задӣ, Худо занад ки!
Дар банди дилам нишаста ин тир,
Хушрӯй задӣ, Худо занад ки!
Ҳай тир задӣ яке пайи ҳам,
Ноҷо назадӣ, Худо занад ки!
Сайёд ману ту мезанӣ тир,
Ҳай зӯр будӣ, Худо занад ки!
Хушрӯ задие ҳазор тирам,
Дар бад назадӣ, Худо занад ки!
Ду бӯса задам, ки гуфтӣ, эй вой,
Хушрӯй задӣ, Худо занад ки!