Созишнома ба кормандон ва ҳамаи корфармоён, ки аъзои иттиҳодияи корфармоён мебошанд ва иштирокчии созишномаанд, татбиқ карда мешавад.

Корфармое, ки ба иттиҳодияи корфармоён дар давоми мӯҳлати созишнома дохил шудааст, вазифадор аст ӯҳдадориҳои пешбининамудаи ин созишномаро иҷро кунад.

Агар ба кормандон дар як вақт якчанд созишномаҳо бо тартиби муқарраршуда татбиқ карда шаванд, онҳо шартҳои созишномаҳои ба онҳо мусоид татбиқ карда мешаванд.

Тағйиру иловаҳо ба созишнома бо тартиби муқаррарнамудаи КМ ҶТ ва бо риояи тартиби музокироти коллективӣ ворид карда мешаванд. Ин маънои онро дорад, ки бояд музокироти коллективӣ анҷом дода шавад ва дар бораи имкони ворид кардани тағйиру иловаҳо, мӯҳлати татбиқи онҳо ва ҳолатҳои дигаре, ки дар давоми мӯҳлати созишнома ба вуҷуд меоянд, мувофиқа ҳосил карда мешавад.

Барои шартномаи коллективӣ ва созишнома тартиби бақайдгирии огоҳонӣ муқаррар карда шудааст. Шартномаи коллективӣ, созишнома дар давоми ҳафт рӯз аз лаҳзаи ба имзо расидан аз ҷониби корфармо, намояндаи корфармо барои ба қайдгирии огоҳонӣ ба мақомоти ваколатдори давлатӣ оид ба меҳнат фиристода мешавад. Аммо, эътибори шартномаи коллективӣ ё созишнома аз факти бақайдгирии огоҳонии онҳо вобаста нест. Ҳамзамон, агар мақомоти ваколатдори давлатӣ оид