кор қабул намудани маъюбон ва гурӯҳҳои алоҳидаи аҳолӣ, расонидани хизмати роҳнамоии касбӣ, инчунин бо роҳи ташкил намудани омӯзиш аз рӯи барномаҳои махсус ва дигар чораҳо кафолатҳои иловагиро таъмин менамояд.

Мутобиқи қарори Ҳукумати Ҷумҳурии Тоҷикистон аз 2 апрели соли 2009 № 181 «Дар бораи тасдиқи Қоидаҳои муқаррар намудани квота барои ба кор қабул кардани гурӯҳҳои алоҳидаи аҳолӣ» мақомоти давлатии шуғли аҳолӣ дар маҳалҳо талаботи бозори меҳнатро меомӯзанд, шумораи гурӯҳҳои алоҳидаи аҳолиро, ки ба ҳифзи иҷтимоӣ эҳтиёҷ доранд ва дар бозори меҳнат рақобат карда наметавонанд, муайян намуда, ба мақомоти иҷроияи маҳаллии ҳокимияти давлатӣ барои муқаррар намудани квота дар ташкилотҳо, корхонаву муассисаҳо новобаста аз шакли моликият ва хоҷагидорӣ пешниҳод манзур менамоянд. Мақомоти иҷроияи маҳаллии ҳокимияти давлатӣ якҷоя бо намояндагони иттиҳодияҳои корфармоён ва иттифоқҳои касаба ҳар сол дар ташкилотҳо, корхонаву муассисаҳо новобаста аз шакли моликият ва хоҷагидорӣ квота муқаррар менамоянд. Дар корхонаю ташкилотҳо ва муассисаҳо новобаста аз шакли моликият ва хоҷагидорӣ (агар шумораи воҳиди корӣ аз 20 адад кам набошад), квота дар ҳаҷми 6 (шаш) фоизи шумораи умумии воҳиди корӣ муқаррар карда мешавад. Мақомоти иҷроияи маҳаллии ҳокимияти давлатӣ бо назардошти вазъи бозори меҳнат ва талаботи ташкилотҳо дар минтақаҳо тақсимоти квотаро барои маъюбон ва дигар гурӯҳҳои алоҳидаи аҳолӣ муайян ва таъмин менамоянд. Ҳангоми муқаррар намудани квота миқдори ҷойҳои корӣ, ихтисос, касбҳои зарурӣ ва шароити меҳнат ба