7.3. Тағйири шартномаи меҳнатӣ. Ба кори дигар
гузаронидан

Бо назардошти принсипи озодии меҳнат ва шартномаи меҳнатӣ, шартҳои шартномаи меҳнатӣ, ки бо созиши тарафҳо ҳангоми бастани он муайян карда шудаанд, танҳо бо созиши онҳо тағйир дода мешаванд.

Корфармо ҳуқуқ дорад шароити меҳнатро тағйир диҳад, агар чунин тағйирот дар технология ва ташкили истеҳсолии меҳнат пешакӣ муқаррар шуда бошад. Дар шартномаҳои коллективӣ мумкин аст тибқи машварати пешакӣ бо намояндагони кормандон тартиби тағйир додани шароити меҳнат барои гурӯҳҳои алоҳидаи кормандон пешбинӣ карда шавад. Корфармо уҳдадор аст кормандонро оид ба дар оянда тағйирёбии шароити меҳнат на дертар аз ду моҳ огоҳ созад. Агар корманд дар шароити нави меҳнат ба идомаи кор розӣ набошад, пас шартномаи меҳнатӣ метавонад қатъ карда шуда, ба ӯ барои аз кор рафтан ба андозаи на камтар аз ду маоши миёнаи моҳона кумакпулӣ пардохт карда шавад. Корманд ҳуқуқ дорад дар бораи аз ҷониби корфармо тағйир додани шароити меҳнат ба суд муроҷиат кунад. Ҳангоми баррасии баҳс корфармо уҳдадор аст, исбот намояд, ки нигоҳ доштани шароити пештараи меҳнат имконнопазир аст.

Дар мавридҳое, ки тағйирот дар истеҳсолот, меҳнат ва ҳаҷми кор боиси ба таври оммавӣ аз кор озод гардидани кормандон мегардад, корфармо бо мақсади нигоҳ доштани ҷойи корӣ ҳуқуқ дорад бо розигии