намояндагони кормандон, бе риояи муҳлати огоҳонӣ, ки қисми 3 моддаи 32 КМ ҶТ пешбинӣ намудааст, шароити меҳнатии кормандонро тағйир диҳад.

Мафҳуми гузариш ба кори дигар, намудҳои он, ҷойвазкунӣ ва тағйирёбии дигар паҳлуҳои муайяни шароити кор, ки ба тағйири шартномаи меҳнатӣ алоқаманданд, дар моддаи 30 КМ ҶТ ва ба таври илова моддаҳои 32, 34, 35 ва 36 Кодекс пешбинӣ шудаанд.

Ҳолатҳои тағйири шартномаи меҳнатӣ бо назардошти аломатҳои зикршуда, ба мисли иҷрои «кори дигар» дар «дигар корфармо» ё «берун аз ҳудуди он», инчунин «гузариш ба кори дигар» ба инҳо марбутанд: 1) гузариши доимӣ ба кори дигар дар ҳамон корфармо; 2) гузариш дар ҳамон корфармо ба кори дигари муваққатӣ ва ё гузариши муваққатӣ; 3) гузариш ба дигар корфармо ба кори доимӣ; 4) гузариш ба кори доимӣ бо ҳамроҳии корфармо ба ҷои кори дигар.

Аз мазмуни аломатҳои зикршуда чунин бармеояд, ки ба кори дигар гузаштан ин тағйири доимӣ ё муваққатии вазифаҳои меҳнатии корманд ва (ё) воҳиди сохторӣ (агар он дар шартномаи меҳнатӣ нишон дода шуда бошад) ҳангоми идомаи кор дар ҳамин корфармо, инчунин гузариш ба кор ба ҷои дигар дар якҷоягӣ бо корфармо мебошад. Гузаронидан ба кори дигар танҳо бо розигии хаттии корманд иҷозат дода мешавад, ба истиснои ҳолатҳое, ки қонунгузорӣ муқаррар кардааст. Моддаи 32 КМ ҶТ муқаррар менамояд, ки ҳангоми бекористӣ кормандон бо назардошти ихтисос ва дараҷаи касбашон дар худи ҳамон ташкилот дар тамоми давраи бекористӣ