ташаббуси корфармо шартномаи меҳнатӣ метавонад бекор карда шавад, агар корманд вазифаҳои меҳнатиашро бе сабабҳои узрнок, гунаҳкорона ва мунтазам иҷро накунад ва пештар барои чунин рафтораш ба ҷавобгарии интизомӣ кашида шуда бошад.

4. Бе сабабҳои узрнок ба кор ҳозир нашудан, аз ҷумла дар давоми рӯзи корӣ зиёда аз 3 соат набудан дар ҷойи кор. Дар ҷойи кор ҳозир набудани корманд бе сабабҳои узрнок, ки он зиёда аз се соатро ташкил медиҳад, вайрон намудани интизоми меҳнат маҳсуб шуда, корманд ба ҷавобгарии интизомӣ кашида мешавад. Дар ин маврид ҷазои интизомӣ дар намудани аз кор озод намудан татбиқ мегардад. Бинобар ин зарур аст, ки зимни бекор кардани шартномаи меҳнатӣ бо ин асос тартиби татбиқи ҷазои интизомӣ риоя карда шавад. Далели дар кор ҳозир набудани корманд табели баҳисобгирии вақти кор, санади тартибдодаи корфармо, баёноти худи корманд, шахсони мутасаддӣ, шоҳидон ва дигар санадҳо шуда метавонанд. Дар ин ҳолат сабабҳои узрноке, ки метавонанд бекор намудани шартномаи меҳнатиро бо ин асос истисно намоянд дар КМ ҶТ мушаххас муайян нашудаанд. Аммо, ҳолатҳои ба монанди беморӣ ё фавти аъзои оилаи корманд ва дигар ҳолатҳое, ки ба иродаи корманд вобаста нестанд ва воқеан ҳам барои саривақт ҳозир шудани корманд ба ҷойи кор монеа шудаанд, метавонанд сабабҳои узрнок дониста шаванд.

5. Ҳозир нашудан ба кор дар давоми бештар аз чор моҳи бефосила дар натиҷаи корношоямии муваққатӣ, бе ҳисоб кардани рухсатии давраи ҳомиладорӣ ва таваллуд,