қатъӣ; қатъ намудани шартномаи меҳнатӣ бо ташаббуси корфармо бо асосҳои дахлдор вобаста ба рафтори гунаҳгоронаи корманде, ки ҳуқуқвайронкунии интизомӣ содир кардааст.

Низомнома ва оинномаҳои интизомӣ метавонанд барои гурӯҳҳои алоҳидаи кормандон дигар ҷазои интизомиро пешбинӣ кунанд.

Татбиқи муҷозоти интизомие, ки дар Кодекси меҳнати Ҷумҳурии Тоҷикистон, қонунҳо, оинномаҳо ва низомномаҳои интизомӣ пешбинӣ нашудаанд, манъ аст.

Дигар санадҳои меъёрии ҳуқуқӣ, инчунин қоидаҳои тартиботи дохилии меҳнат, дигар санадҳои меъёрии дохилӣ наметавонанд ягон муҷозоти иловагии интизомиро муқаррар кунанд ва ба татбиқи онҳо иҷозат дода намешавад.

Аз кор озодкунӣ чораи ниҳоии интизомӣ нисбати кормандест, ки интизоми меҳнатро вайрон кардааст. Дар КМ ҶТ чунин асосҳои аз кор озодкунӣ ҳамчун ҷазои интизомӣ пешбинӣ шудаанд:

• бе сабабҳои узрнок уҳдадориҳои меҳнатиро, ки шартномаи меҳнатӣ ё қоидаҳои тартиботи дохилии меҳнатӣ ба зиммаи корманд гузоштааст, мунтазам иҷро накардани ӯ, агар ба корманд пештар чораҳои ҷазои интизомӣ татбиқ шуда бошанд (сарҳати сеюми қисми 1 моддаи 42);

• якбора дағалона вайрон кардани уҳдадориҳои меҳнатӣ аз ҷониби корманд, ки он иборат аст: бе сабабҳои узрнок ба кор ҳозир нашудан, аз ҷумла дар давоми рӯзи корӣ зиёда аз 3 соат набудан дар ҷойи кор;