кори баставӣ, ҳар як гурӯҳи кормандон бояд корро дар тӯли вақти муқарраршудаи вақти корӣ мутобиқи ҷадвали баст анҷом диҳанд. Ҷадвали басти корӣ аз ҷониби корфармо бо назардошти фикри мақомоти намояндагии кормандон таҳия карда мешавад ва на дертар аз як моҳ то мавриди амал қарор гирифтани он ба кормандон хабар дода мешавад. Дар давоми ду баст кор кардан манъ аст. Тақсимоти рӯзи корӣ ба қисмҳо тибқи КМ ҶТ дар он ҷойҳое иҷозат дода мешавад, ки бо сабаби хусусияти хоси меҳнат зарур аст, инчунин ҳангоми истеҳсолоте, ки шиддатнокии он дар давоми рӯзи корӣ (баст) яксон нест. Дар ин ҳолат, рӯзи кориро ба қисмҳо ҷудо кардан мумкин аст, то ки вақти умумии кор аз давомнокии муқарраршудаи кори ҳаррӯза зиёд набошад. Тақсимоти рӯзи корӣ ба қисмҳо аз ҷониби корфармо дар асоси санади меъёрии локалӣ, ки бо назардошти фикри мақомоти интихобии ташкилоти ибтидоии иттифоқи касаба қабул шудааст, амалӣ карда мешавад. Дар ҳолатҳои муайян тақсимоти рӯзи корӣ ба қисмҳо бо муқаррароти дахлдори амалкунанда нисбати кормандони соҳаҳои алоҳидаи иқтисод муқаррар карда мешавад.

Ҳангоми усули кории баставӣ баҳисобгирии ҷамъбастии вақти корӣ муқаррар карда мешавад ва реҷаи кор ва истироҳат дар давраи ҳисоботӣ бо ҷадвали корӣ дар баст танзим карда мешавад. Моддаи 178 КМ ҶТ кафолатҳо ва ҷубронҳоро барои шахсоне, ки дар реҷаи баставӣ кор мекунанд, муқаррар менамояд.