10.4.1. Баҳисобгирии вақти корӣ

Корфармо уҳдадор аст вақти кориро, ки ҳар як корманд иҷро намудааст, аз ҷумла соатҳои изофакориро сари вақт дақиқ ҳисоб кунад (қисми 1 моддаи 81 КМ ҶТ). Вобаста ба давомнокии вақти корӣ дар давраи тақвимӣ (барои як рӯз, ҳафта, моҳ ва зиёда аз он), реҷаҳо бо баҳисобгирии ҳаррӯза, ҳафтаина ва маҷмӯии вақти корӣ фарқ мекунанд.

Ҳангоми ҳафтаи кории панҷрӯза ё шашрӯза, баҳисобгирии вақти кории ҳафтаина ё ҳаррӯза бурда мешавад. Ҳангоми баҳисобгирии ҳафтаина, давомнокии кори ҳаррӯза тибқи ҷадвал пешбинӣ мешавад ва метавонад дар рӯзҳои гуногун фарқ кунад ва ҳангоми баҳисобгирии ҳаррӯза, давомнокии ҳаррӯзаи кор тибқи қоидаҳои дохилии меҳнат ё ҷадвали баст пешбинӣ шуда, асосан ҳар рӯз яксон аст. Аз ин рӯ, асосан реҷаи корӣ бо баҳисобгирии вақти кории ҳаррӯза ва ҳафтаина аз ҳамдигар фарқ мекунанд.

Ҳангоми иҷрои намудҳои алоҳидаи кор ё дар баъзе ташкилотҳое, ки тибқи шароити истеҳсолот (кор) соатҳои кории ҳаррӯза ё ҳафтаина барои ин категорияи кормандон риоя карда намешаванд, ҷорӣ намудани баҳисобгирии ҷамъбастии вақти корӣ иҷозат дода мешавад. Дар баъзе ҳолатҳо, ҷорӣ намудани баҳисобгирии ҷамъбастии вақти корӣ дар қонун пешбинӣ шудааст.

Баҳисобгирии ҷамъбастӣ барои он ҷорӣ карда мешавад, ки давомнокии вақти корӣ дар давраи ҳисоботӣ (моҳ, семоҳа ва давраҳои дигар, вале на бештар аз як сол)