зараровари меҳнат мавқеи махсус дорад. Ҳадафи асосии он кам кардани таъсири омилҳои зараровар дар истеҳсолот мебошад.

Мувофиқи моддаи 96 КМ ҶТ рухсатии иловагии ҳарсола барои кор дар шароитҳои зарарнок ва вазнини меҳнат ба кормандоне дода мешавад, ки дар корҳои кӯҳии зеризаминӣ, дар конҳои кушоди кӯҳӣ, буриш ва каррерҳо, дар минтақаҳои аз ҷиҳати радиоактивӣ олуда, дар дигар корҳои ба саломатии инсон зарарнок кор мекунанд, ки дорои омилҳои номусоиди физикию кимиёвӣ, биологӣ ва дигар омилҳо мебошанд.

Давомнокии ҳадди аққали рухсатии ҳарсолаи пардохтшавандаи иловагӣ барои чунин кормандон ҳафт рӯзи тақвимӣ мебошад.

Давомнокии рухсатии иловагии ҳарсолаи музднок барои корманди муайян тибқи шартномаи меҳнатӣ дар асоси созишномаи соҳавӣ ва шартномаи коллективӣ бо назардошти натиҷаҳои баҳодиҳии махсуси шароити меҳнат муқаррар карда мешавад.

Дар асоси созишномаи соҳавӣ ва шартномаҳои коллективӣ, инчунин розигии хаттии корманд як қисми рухсатии ҳарсолаи иловагии пардохтшаванда, ки аз давомнокии ҳадди ақали рухсатии муқаррарнамуда (7 рӯзи тақвимӣ) зиёд аст, метавонад бо ҷубронпулии алоҳидаи муқарраршуда бо тартиб, ҳаҷм ва шартҳои муқаррарнамудаи созишномаи соҳавӣ ва шартномаҳои коллективӣ иваз карда шавад.

Ба гурӯҳҳои алоҳидаи кормандон, ки меҳнати онҳо ба шиддати зиёди асаб ва эҳсосот вобаста мебошад ё дорои