музди иловагӣ бо дастуруламал дар бораи пардохти музди меҳнати иловагӣ ба кормандон дар мавриди бо айби корфармо ба таъхир афтодани пардохти музди меҳнат ки бо Фармоиши якҷояи Вазорати меҳнат ва ҳифзи иҷтимоии аҳолии Ҷумҳурии Тоҷикистон ва Федератсияи иттифоқҳои касабаи мустақили Тоҷикистон аз 25.12.2008, №75 тасдиқ шудааст, муайян гардидааст.

Мутобиқи талаботи моддаи 134 Кодекси ҳуқуқвайронкунии маъмурии Ҷумҳурии Тоҷикистон, барои сари вақт напардохтани музди меҳнат ҳангоми набудани аломати ҷиноят, нисбати шахсони масъул ҷавобгарии маъмурӣ пешбинӣ карда шудааст. Тибқи Кодекси ҷиноятии Ҷумҳурии Тоҷикистон (моддаи 153¹), дар мавриди аз ҷониби корфармо беш аз ду моҳ пардохт нашудани музди меҳнат, роҳбари корхона, муассиса ё ташкилот, новобаста аз шакли моликияташ, агар ин кирдор бо ғараз ё дигар манфиатҳои шахсӣ содир шуда бошад, ба ҷавобгарии ҷиноятӣ кашида мешавад.

13.3. Низоми пардохти музди меҳнат

Дар пардохти музди меҳнат ба низоми пардохти он, инчунин тартиби муайян намудани он аҳамияти калон дода мешавад (моддаҳои 139, 141, 146).

КМ ҶТ муайян мекунад, ки музди меҳнати корманд тибқи шартномаи меҳнатӣ мутобиқи низоми музди корфармо муқаррар карда мешавад (қисми 1 моддаи 139). Ин муқаррарот ба меъёрҳо оид ба шартномаи меҳнатӣ ва мазмуни он, ки ба таври хатмӣ шароити музди меҳнат (аз ҷумла андозаи музди меҳнат), пардохтҳои иловагӣ,