Комиссия бо аксарияти овозҳои аъзои он, ки дар ҷаласа ҳузур доранд, қарор қабул мекунад. Қарор бо овоздиҳии пинҳонӣ қабул карда мешавад. Дар қарор маълумот дар бораи корфармо ва корманде, ки ба комиссия муроҷиат кардааст, санаи муроҷиат ба комиссия ва баррасии баҳс нишон дода мешавад, аъзои дар ҷаласа ҳузур надоштаи комиссия, номбар карда мешаванд. Худи қарор бошад, бояд асоснок ва дар асоси маводи парванда ва мутобиқи қонун ё дигар санади меъёрии ҳуқуқӣ қабул карда шавад. Нусхаи қарори комиссия аз ҷониби раис ё муовини ӯ имзо ва бо мӯҳр тасдиқ карда мешавад. Нусхаҳои тасдиқшудаи қарори комиссия дар давоми се рӯзи қабули қарор ба корманд ва корфармо супорида мешаванд (моддаи 204 КМ ҶТ).

Баҳси меҳнатии фардиро ба суд додан мумкин аст, агар комиссия баҳсро дар давоми 7 рӯзи муқарраршуда аз рӯзи қабули ариза, баррасӣ накарда бошад. Дар ин ҳолат, корманди манфиатдор барои баррасии он мустақиман ба суд муроҷиат мекунад.

Қарори комиссияи созиш дар мӯҳлати муқарраркардаи он иҷро карда мешавад. Дар мавриди иҷро накардани қарори комиссия дар мӯҳлати муқарраргардида, корманд ё корфармо ҳуқуқ доранд баҳси меҳнатиро бо тартиби судӣ ҳал намоянд.

Ҳангоми бе асосҳои қонунӣ қатъ кардани шартномаи меҳнатӣ ё ғайриқонунӣ ба кори дигар гузаронидан, тағйир додани ҷойи кор, иваз кардани шароити меҳнат, аз кор дур кардани корманд мақомоти баррасикунандаи баҳсҳои меҳнатии фардӣ (комиссияи созиш ё суд) дар бораи