ба кор барқарор намудани ӯ қарор мебарорад. Ба корманде, ки ба кори пештара барқарор карда шудааст, музди миёнаи моҳона барои тамоми давраи ноилоҷ ба кор набаромаданаш (аз кор дур карданаш) ё фарқияти музди меҳнат барои давраи иҷрои корҳои каммузд, пардохта мешавад. Қарори мақомоти баррасикунандаи баҳсҳои меҳнатии фардӣ (комиссияи созиш ё суд) дар борай ба ҷойи кори пештара барқарор намудани корманд бояд фавран иҷро карда шавад. Ҳангоми аз ҷониби корфармо ба таъхир андохтани иҷрои қарор дар бораи ба ҷойи кор барқарор намудани корманд, мақомоти баррасикунандаи баҳсҳои меҳнатии фардӣ (комиссияи созиш ё суд) дар бораи ба корманд пардохт кардани музди миёнаи моҳонааш ё фарқияти музди меҳнат дар давраи ба таъхир мондан, қарор мебарорад (моддаҳои 205-206 Кодекси меҳнати Ҷумҳурии Тоҷикистон).

Дар мавриди иҷро накардани қарори комиссия дар муҳлати муқарраргардида, корманд ё корфармо ҳуқуқ доранд баҳси меҳнатиро бо тартиби судӣ ҳал намоянд (моддаи 205 КМ ҶТ).

Баррасии баҳсҳои меҳнатии фардӣ дар суд тибқи қонунгузории мурофиавии граждании Ҷумҳурии Тоҷикистон ва Кодекси меҳнати Ҷумҳурии Тоҷикистон (моддаҳои 198-206) баррасӣ мешавад.

Суд метавонад ҳамчун баҳси меҳнатии фардиро, ки аллакай дар комиссия баррасӣ шудааст, баррасӣ намояд, агар корманд ё корфармо ба қарори комиссия розӣ набошанд. Иттифоқи касаба, ки манфиатҳои кормандро ҳимоя мекунад, метавонад ба суд муроҷиат кунад. Ҳамчунин,