Прокурор метавонад ба суд муроҷиат намояд, агар қарори комиссия ба қонунгузории меҳнат ва дигар санадҳои дорои меъёрҳои ҳуқуқи меҳнат мувофиқат накунад.

Дар ҳолатҳои дигари пешбининамудаи қонун, корманд бевосита ба суд муроҷиат мекунад. Барои муроҷиат намудан ба суд ҷиҳати баррасии баҳсҳои меҳнатии фардӣ муҳлатҳои зерин муқаррар карда шудаанд:

• барои баҳсҳо оид ба барқарор кардан ба кор - як моҳ аз рӯзи супоридани нусхаи санади корфармо дар бораи қатъ намудани шартномаи меҳнатӣ;
• барои дигар баҳсҳои меҳнатӣ - се сол аз рӯзи донистани корманд ё корфармо дар бораи вайроншавии ҳуқуқҳои худ.

Корманд, инчунин барои баррасии баҳси инфиродие, ки дар доираи салоҳияти комиссия бояд баррасӣ мешуд, вале бинобар ташкил нашудани комиссия баррасӣ нашудааст, метавонад ба суд муроҷиат намояд.

Дар мавриди бо сабабҳои узрнок гузаронидани мӯҳлати муқарраршудаи муроҷиат барои баррасӣ, суд метавонад ин мӯҳлатро барқарор кунад ва баҳси меҳнатии фардиро аз рӯи моҳият баррасӣ кунад.

Тибқи қоида, шаҳрвандон метавонанд ҳуқуқҳои мурофиавии худро шахсан истифода баранд, агар онҳо дорои қобилияти мурофиавии ҳуқуқӣ бошанд, ки он аз синни 18-солагӣ пурра оғоз мешавад, яъне бо расидан ба синни балоғат. Хусусияти парвандаҳои меҳнатӣ аз он иборат аст, ки шахс аз синни 15-солагӣ метавонад тарафи шартномаи меҳнатӣ бошад (моддаи 21 КМ ҶТ) ва дар ҳолатҳои