метавонанд ё онҳо метавонанд барои тавсияи миёнарав ба мақомоти дахлдори давлатӣ муроҷиат кунанд.

Агар дар муҳлати муайян ҷонибҳои баҳси меҳнатии коллективӣ дар бораи номзадии миёнарав созиш ба даст наоранд, пас онҳо музокиротро оид ба баррасии баҳси меҳнатии коллективӣ, дар арбитражи меҳнатӣ оғоз мекунанд.

Нақши миёнарав дар кумак ба ҷонибҳо дар расидан ба мавқеи мувофиқашуда мебошад. Ӯ наметавонад оид ба моҳияти баҳс ягон қарор қабул кунад - онро худи тарафҳои баҳс қабул мекунанд (ё қабул намекунанд). Миёнарав барои иҷрои вазифаҳои худ ҳуқуқ дорад, ки аз тарафҳои баҳси меҳнатии коллективӣ ҳуҷҷатҳо ва маълумоти зарурӣ оид ба ин баҳсро гирад.

Ҳалли баҳси меҳнатии коллективӣ дар марҳилаи мазкур метавонад бо қабули қарори мувофиқашудаи ҷонибҳо хаттӣ ва ё бо роҳи тартиб додани протоколи ихтилофот, ба анҷом расад. Дар мавриди дуюм, на дертар аз рӯзи дигари пас аз тартиб додани протоколи ихтилофот ё пас аз ба охир расидани муҳлате, ки тарафҳои баҳси меҳнатии коллективӣ дар давоми он бояд дар бораи номзадии миёнарав созиш ба даст меоварданд ё пас аз тартиб додани протокол дар бораи аз ҷониби тарафҳо ё яке аз онҳо рад намудани баррасии баҳси коллективӣ бо иштироки миёнарав, тарафҳо вазифадоранд гуфтушунид кунанд.