3. Ҳуқуқ ба мутаҳидшавӣ. Дар ин бахш соҳа ду конвенсияи асосӣ мавҷуданд: Конвенсияи № 87 «Дар бораи озодии асотсиатсияҳо ва ҳимояи ҳуқуқ ба мутаҳидшавӣ» ва Конвенсияи № 98 «Дар бораи ҳуқуқ ба мутаҳидшавӣ ва баргузории музокироти коллективӣ».

Дар Конвенсияи № 87 озодии асотсиатсияҳо ҳамчун ҳуқуқи кормандон ва корфармоён ба таъсис додани ташкилотҳо (иттиҳодияҳо, асотсиатсияҳо) бидуни иҷозати пешакӣ, инчунин пайвастан ба чунин ташкилотҳо ба шарти ягонаи тобеият ба оинномаи ин ташкилотҳо фаҳмида мешавад.

Ин ташкилотҳо ҳуқуқ доранд оинномаҳо таҳия ва қабул намоянд, намояндагони худро озодона интихоб кунанд, дастгоҳ таъсис диҳанд ва фаъолияти онро танзим ва барномаи амалиёти худро таҳия кунанд.

4. Ҳуқуқҳои намояндагони кормандон дар корхонаҳо. Дар бисёр кишварҳо на танҳо иттифоқҳои касаба, балки дигар мақомотҳои интихобӣ низ амал мекунанд, ки аз ҷониби кормандон интихоб карда мешаванд. Ҳуқуқҳои намояндагони кормандон бо Конвенсияи ТБМ, № 135 ҳифз карда мешаванд карда мешаванд. Мувофиқи он, намояндагони кормандон бояд аз ҳама гуна амалҳое, ки ба онҳо зарар расонида метавонанд, аз ҷумла аз кор озод намудани онҳо вобаста ба фаъолияташон дар ин самт, ҳифз карда шаванд. Ба онҳо бояд имконият дода шавад, ки вазифаҳои худро бемамоният ва самаранок иҷро кунанд. Ҳамзамон таъмини ин ҳуқуқҳои намояндагони