ҳарбӣ; аъзои шӯрои директорони (шӯрои нозоратии) ташкилотҳо (ба истиснои шахсоне, ки бо ин ташкилот мутобиқи КМ ҶТ шартномаи меҳнатӣ бастаанд); шахсоне, ки дар асоси шартномаҳои ҳуқуқии граждани кор мекунанд; шахсони дигар, ки қонун муқаррар кардааст.

САВОЛҲОИ САНҶИШӢ

1. Мафҳуми сарчашмаҳои ҳуқуқи меҳнатро шарҳ диҳед.

2. Намудҳои сарчашмаҳои ҳуқуқи меҳнатро номбар намоед.

3. Махсусиятҳои ташаккули созишномаҳо, шартномаҳои коллективӣ ва дигар санадҳои меъёрии локалӣ ҳамчун сарчашмаҳои ҳуқуқи меҳнатро тавсиф намоед.

4. Амали меъёрҳои қонунгузории меҳнат ва дигар санадҳои меъёрии ҳуқуқии дорои меъёрҳои ҳуқуқии меҳнат (сарчашмаҳои ҳуқуқи меҳнат) дар замон, макон ва нисбати шахсонро шарҳ диҳед.

5. Ягонагӣ ва тақсимбандии танзими ҳуқуқии меҳнат ва таносуби меъёрҳои умумӣ ва меъёрҳои махсусро шарҳ диҳед.

6. Конститутсия ҳамчун сарчашмаи ҳуқуқи меҳнатро шарҳ диҳед.

7. Кодекси меҳнатро ҳамчун сарчашмаи ҳуқуқи меҳнат шарҳ диҳед.