мешаванд. Танзими инфиродии шартномавӣ хусусияти ёрирасон дорад ва асосан ба дақиқкунӣ ва мушаххасозии шартҳои шартномаҳои меҳнатӣ нигаронида шудааст.

Таносуби байни танзими давлатӣ ва шартномавӣ инчунин дар он зоҳир мешавад, ки КМ ҶТ ба эҷоди шартномаҳои коллективӣ, созишномаҳо ва шартномаҳои меҳнатие, ки ҳуқуқҳои кормандонро нисбат ба қонунҳои меҳнат ва дигар санадҳои меъёрии ҳуқуқии дорои меъёрҳои қонунгузории меҳнат маҳдуд мекунанд ё сатҳи кафолати кормандонро коҳиш медиҳанд, иҷозат намедиҳад. Агар чунин шартҳо ба шартномаи коллективӣ, созишнома ва шартномаи меҳнатӣ дохил карда шуда бошанд, он гоҳ татбиқ карда намешаванд. Илова бар ин, КМ ҶТ муқаррар кардааст, ки шартҳои шартномаи коллективӣ, созишномаҳое, ки вазъи кормандонро бадтар мекунанд, беэътибор мебошанд. Илова ба шартҳои ҳатмӣ, шартномаи меҳнатӣ метавонад муқаррароти иловагиро, ки шароити кормандонро дар муқоиса ба қонунҳои меҳнат ва дигар санадҳои меъёрии ҳуқуқӣ, шартномаҳои коллективӣ ва қоидаҳои дохилӣ бадтар намекунад, пешбинӣ намояд.

Принсипи кафолат додани ҳуқуқи ҳалли баҳсҳои меҳнатии фардӣ ва коллективӣ инчунин, ҳуқуқ ба корпартой. Ин принсип ба муқаррароти боби 14 КМ ҶТ асос ёфта, дар сатҳи баррасии ҳаллу фасли баҳсҳои меҳнатии инфиродӣ ва баҳсҳои меҳнатии коллективӣ, аз ҷумла корпартоиро ҳамчун роҳи ҳалли баҳсҳои меҳнатии коллективӣ муқаррар кардааст.