-назорати давлатӣ, назорати иттифоқҳои касаба аз болои риояи қонунгузории меҳнат (аз ҷумла қонунгузорӣ оид ба ҳифзи меҳнат) ва дигар санадҳои меъёрии ҳуқуқӣ, ки дорои меъёрҳои ҳуқуқи меҳнат мебошанд;

-таълим ва бозомӯзии касбии кормандон бевосита дар ҳамин корфармо;

-бокортаъминшавӣ дар ҳамин корфармо;

-ҳалли баҳсҳои меҳнатӣ;

-суғуртаи иҷтимоии ҳатмӣ дар ҳолатҳои пешбининамудаи қонун.

Ҳамин тариқ, ба ин низом муносибатҳои ҷамъиятие дохил мешаванд, ки ба истифодаи меҳнат дахл дошта, предмети соҳаи ҳуқуқи меҳнатро ташкил менамоянд.

Низоми муносибатҳои ҳуқуқӣ бо ягонагӣ ва ҳамбастагии дохилии худ тавсиф меёбад, ки ягонагии ҳуқуқи меҳнат ва тамомияти муносибатҳои ҷамъиятии ба он алоқамандро инъикос мекунад. Ин муносибатҳо усули махсуси танзими ҳуқуқиро талаб мекунанд. Тамаркузи муайян ба низоми муносибатҳои ҳуқуқӣ таҳти таъсири ҳуқуқи меҳнат дода шудааст, ки вазифаҳои умумияшон мутобиқи Конститутсияи Ҷумҳурии Тоҷикистон ва КМ ҶТ аз мустаҳкам намудани кафолатҳои давлатии ҳуқуқҳои меҳнатии шаҳрвандон, фароҳам овардани шароити мусоиди корӣ, инчунин ҳифзи ҳуқуқу манфиатҳои кормандон ва корфармоён мебошад.

Расидан ба ин ҳадафҳо ҳалли вазифаҳое мебошанд, ки дар танзими ҳуқуқии муносибатҳои меҳнатӣ ва дигар