Ҳуқуқ ва уҳдадориҳои корфармо - шахси ҳуқуқиро мақомоти роҳбарикунандаи шахси ҳуқуқӣ (ташкилот) ё шахсони ваколатдори онҳо бо тартиби муқаррарнамудаи КМ ҶТ ва дигар санадҳои меъёрии ҳуқуқии Ҷумҳурии Тоҷикистон, ҳуҷҷатҳои таъсисии шахси ҳуқуқӣ ва санадҳои меъёрии локалӣ муқаррар менамоянд.

Ҳуқуқ ва уҳдадориҳои корфармо дар ташкилотҳои ғайридавлатии корпоративӣ аз ҷониби мақомоти идоракунии иҷроияи онҳо, аз ҷумла мақомоти яккасардории иҷроия (директори генералӣ, директор ва ғайра) амалӣ карда мешавад. Фаъолияти роҳбари ташкилот, аз ҷумла вазифаҳои мақомоти ягонаи иҷроияи он бо КМ ҶТ, муқаррар карда мешаванд.

Вазъи ҳуқуқии роҳбари корхона метавонад бо дигар қонунҳо муайян карда шавад.

Ҳуқуқи бастани шартномаи меҳнатӣ бо кормандон аз ҷониби мақоми шахси ҳуқуқӣ ба намояндаи ваколатдори ӯ дода мешавад (масалан, дар филиал, намояндагӣ).

Аммо, дар ҳама ҳолатҳо, корфармо шахси воқеӣ ё ҳуқуқӣ (ташкилот) мебошад, ки дар КМ ҶТ муқаррар гардидааст.

Мӯҳтавои муносибатҳои меҳнатӣ ҳуқуқ ва уҳдадориҳои субъективии корманд ва корфармо мебошад, ки онҳо ҳангоми ворид шудан ба ин муносибатҳо дар асоси шартномаи меҳнатии байни онҳо басташуда ба миён меоянд. Ин ҳуқуқ ва уҳдадориҳои субъективӣ мушаххасоти асосиро, ки дар КМ ҶТ муқаррар шудааст, ташкил медиҳанд: мақом, ҳуқуқ ва