Эй бехабар аз хеш

Эй духтари бехрўз
Эй бехабар аз хеш
Бар дарё вуруд шав
Ки нутфаи Зардушт
Татҳиршуда дар нур
Эътирози туст

---

Эй духтари беҳрўз
Бубини чи сон Ҳомун
Дар интизори ту
Аз шавқ намегунҷад
Дар соҳили худ
Ҳазорсол гузаштааст
Аз омадани ту
Дигар сабр намондааст
Дар интизори ту

---

Эй духтари беҳрўз
Эй зояндаи умедҳо
Умед намондааст
Ту боло мешавӣ аз кўҳ
Ба мисли фуруъ дар субҳгоҳон
Фарри хуршед меоӣ
Эй духтари беҳрўз
Фариштаи ишқ паси дар
Бо панҷаи нарми умедҳо
Туро садо мекунад
Эй духтари беҳрўз…
Аз худ раҳо шавем
Эй кош мешуд раҳо кардан ин равони
Офаринишро
Шустушў додани хешро дар нури Хуршедҳо
Ва парвоз кардан сўйи … бедардиҳо
Биё бо ман, эй духтари Беҳрўз,
Эй сақат карда орзуро
Эй ба мотам кашида Равони офаринишро
Биё бо ман, ки бас ранҷ кашидаӣ
Даме дар Ҷайи обҳои поку шаффоф
Аз худ раҳо шавем
Бо худ ба шаҳри орзуҳо расидан мушкил аст…
Баргардони А. Амон