ШАРТҲОИ МУРАККАБ БО AND OR NOT
Дар барномасозӣ донистани тарзи дуруст сохтани шартҳо (алгоритм) муҳим аст. Шартҳо аксар вақт мураккабанд ва аз якчанд шартҳои муҳим иборатанд, ки бо операторҳои мантиқӣ (пайвандкунандаҳо) ба монанди "ВА", "Ё" ва "НЕ" пайваст карда шудаанд. Дар забони Python, инҳо бо калимаҳои англисии «and», «or» ва «not» навишта мешаванд.
Оператори мантиқӣ and (зарби мантиқӣ) Шарти мураккаб, ки дар он шартҳои компонент бо оператори and пайваст карда шудаанд, агар ҳамаи ибораҳо дуруст бошанд, True-ро бармегардонад. Агар ягонтои ибораҳо дурӯғ бошад, тамоми шарт дурӯғ аст:
x = 5 if x < 10 and x % 3 == 0:
print(True) else:
print(False) Натиҷа False аст, зеро 5 ба 3 бебақия тақсим намешавад. Дар x % 3 ==
0 and x < 10 қисми дуюм санҷида намешавад: қисми якум аллакай False мебошад.
Оператори мантиқӣ or (ҷамъкунии мантиқӣ) Агар ҳадди ақал яке аз ибораҳо True бошад, пас True-ро бармегардонад:
x = 5 if x < 10 or x % 3 == 0:
print(True) else:
print(False) Натиҷа True аст, зеро 5 < 10 дуруст мебошад. Дар ин мисол қисми дуюми or санҷида намешавад. Умуман, and ва or яке аз операндҳоро бармегардонанд; дар ин ҷо ҳар ду операнд натиҷаҳои мантиқии муқоисаанд.
Оператори мантиқии not
Оператори not қимати мантиқиро баръакс мекунад: not True ба False ва not False ба True баробар аст. Он ба як ифода татбиқ мешавад. Дар шарти мураккаб аввал муқоисаҳо, баъд not, сипас and ва дар охир or баррасӣ мешаванд. Барои равшан кардани тартиб аз қавсҳо истифода баред.